Mu ntangiriro  z'u mwaka wa 2026 , abasore  n'inkumi b'Abadage bagejeje imyama 18 byatangiye kwakira ifishi yashyizweho  na Leta igamije kumenya uko bahagaze ku bijyanye n'ubuzima  n'ubushobozi  bwo kwinjira mu gisirikare.  Iri tegeko, ryemejwe mu kwezi gushize kw'UUkuboza 2025, rifungura inzira yo kongera umubare w'ingabo mu gihe kiri imbere. Nubwo kwinjira mu gisirikare bikiri ubushake bwa muntu, Leta Ifite uburenganzira bwo gushyiraho serivisi ya  gisirikare itegeka mu gihe byaba ngombwa, mu rwego rwo kugera ku ntego yo kubaka igisirikare gikomeye kurusha ibindi i Burayi, ku nshuro ya mbere kuva intambara ya kabiri y'Isi irangiye.

Mu Ugushyingo ku mwaka wa 2025, abasirikare bakora by'umwuga bageraga ku 184,000, biyongeyeho 2500 ugereranyije nk'uko byari bimeze mu mezi make ari imbere. Ibi byabaye nyuma y'uko Chancelier Friedrich Merz atangarije Inteko Ishinga Amategeko ko Bundeswehr, igisirikare cy'Ubudage, “gikwiye kuba igisirikare gikomeye kurusha ibindi i Burayi.” Impuguke mu by'ingabo, Timo Graf, ivuga ko uyu mubare ari wo munini Ubudage bumaze kugira mu gihe kirekire, Kandi ko igihugu kimaze kugarira ingufu za gisirikare kitari gifite kuva mu 2021.

Mu gushaka gukurura urubyiruko, Guverinoma yashyizweho amasezerano y'amezi 23 aherekejwe n'ibihembo bishimishije. Umusirikare mushya ahembwa amayero  2600 ku kwezi, agahabwa  icumbi n'ubwishingizi bw'ubuvuzi ku buntu. Nyuma yo gukurwaho imisoro agasigarana amayero hafi 2300. Ku rubyiruko rwinshi, Aya ni amahirwe adasanzwe yo kubona akazi keza  n'ahazaza hafatika.

Ubudage bwiyemeje ko bugomba kugera ku basirikare 260,000 mu mwaka wa 2035, no kongera abari mu ngabo z'umwuga bakagera ky 200,000. Ibi byasubiza igihugu hafi ku mubare w'ingabo bwari bufite mu mpera z'intambara ya Cold War. Icyakora, izi gahunda ntizigeze zishimisha Uburusiya na Gato, Aho ambasaderi wabwo yatangaje ko Ubudage buri kwihutisha imyiteguro yo guhangana n'u Burusiya mu ntambara ishobora  kwaduka.

Ku ruhande rw'Ubudage, impamvu ikomeye utuma habaho izi mpinduka ni intambara y'u Burusiya igikomeje muri Ukraine. Leta yemeye gukoresha miliyali 108 z'amayero mu kubaka igisirikare muri uyu mwaka, angana na 2.5 ku ijana bya GDP. Biteganyijwe ko mu 2030 ayo mafaranga azagera kuri 3.5 ku ijana by'umusaruro w'igihugu. Ubushakashatsi bugaragaza ko Abadage benshi  bagenda bashyigikira kongera ingengo y'imari y'ingabo,  bitewe n'uko  batakigirira icyizere u Burusiya kubijyanye n'amahoro.

Nubwo hari ubushake n'amafaranga, inzira yo kubaka igisirikare gikomeye iracyafite imbogamizi. Umuco w'Abadage umuze imyaka myinshi watewe n'amateka mabi y'intambara ya NAZI watumye benshi batabona igisirikare nk'akazi keza. Ariko kuva intambara yo muri Ukraine yatangira muri 2022, imyumvire  yarahindutse vuba, Guverinoma ya Merz ishyira imbere kwitegura ku bijyanye n'umutekano.

Impuguke zivuga ko bizatwara igihe kinini kugira ngo amafaranga, inganda n'abasirikare bihagije bihurire ku rwego rumwe. Hari Kandi impungenge  z'uko inkuru z'ibihuha n'itangazamakuru  rikorwa n'abashyigikiye u Burusiya bishobora kugabanya icyizere cy'abaturage. Icyakora, benshi bemera ko ejo hazaza h'uburayi  hazagenwa n'ubushobozi bw'ibihugu byabwo kwirindira umutekano Aho kwishingikiriza ku bandi.

Muri rusange, Ubudage buri mu rugendo rukomeye rwo kongera kubaka igisirikare gikomeye, mu gihe umutekano w'i Burayi uri mu bihe  bitoroshye. Iyi ntambwe ishobora guhindura cyane imiterere y'ubwirinzi ku mugabane wose, ikanagena uko Uburayi buzitwara mu myaka iri imbere.